majet.org

Ne këtë web faqe do te gjeni resurse të mira për të ngjitur maje male në bjeshkët e Rugovës.
Nëse resurset nuk ju mjaftojnë, mos heqni dorë nga avantura ekipi i Marmangave do t’ju ofrojë udhërëfim pajisje dhe të gjitha gjërat e nevojshme për një avanturë gjithsesi të parezikshme por sfiduese.

Maja e Çferles një udhëtim nëpër bjeshkët e Irzniqit Guri i kuq - Dy liqej dhe një maje mbi 1500 metra Pmaje panormike dhe adrenalinë nga pjerrtësia pingule e Hajlës Maja me kreshtën më të mprehtrë Mariashi Maja e parë e Rugovës mbi 2000 metra nga Peja

"Nëse mendon se avantura është e rrezikshme – dije se rutina është vdekjeprurëse."
Paulo Cohelio

image name
Maja e Çfërles

Maja e Çfërles gjendet në brendi të Bjeshkëve të Nemuna, e fshehur pas disa majave më të ulëta, që në përfundim ofron një pamje të mahnitshme mbi majat e tri shteteve Kosovës, Malit të Zi dhe Shqipërisë. E veçanta e kësaj maje është terreni me shumë gjelbërim dhe vegjetacion të pasur, të ushqyer nga sasia e madhe e ujit. Për këtë pjesët e bjeshkës deri në 2000 metra në vende të caktuara kanë bari të lartë deri te gjunjët me faunë të shumë llojeve të ndryshme.

image name
Maja e Hajles

Hajla është një maje të cilën kur e pushton dhe bëhesh i pakujdesshëm dhe rrëzohesh ke shansin që të biesh në Kosovë apo në Malin e Zi. Është një bjeshkë e madhe dhe me një formë shumë interesante.

image name
Maja e Gurit të Kuq

Një ecje nga një rrugë dhijore ofron pamje spektakulare të liqenit të madh të Liqunatit dhe një përshkrim të kreshtave të malit që ofrojnë pamje me të vërtetë panoramike të Bjeshkëve të Nemuna.

image name
Maja me kreshtë të mprehtrë

Gjeravica mund të jetë maja më e lartë në Kosovë. Mirëpo sa i përket atraktives gjithsesi se Mariashi me vetëm 130 metra më pak, duket shumë më madhështorë dhe me kreshtën e ngushtë sa për ecje të një këmbësori konkuron fuqishëm me të gjitha majet tjera të Kosovës e mjaft mirë do të rangohej edhe në konkurencë rajonale

image name
Vollujaka maja me e afert me Pejen

Maja e Vollujakës është një ndër majat e para mbi 2000 metra në Bjeshkët e Rugovës shikuar nga qyteti i pejes. Arritja deri te kjo maje bëhet përmes kodrave të Majës së Zezë në drejtim të Shtupeqit të Vogël. Kjo pikë ofron pamje të Pejës dhe në ditë të bukur edhe të majes së Goleshit dhe liqenit të Radoniqit në njëren anë dhe pamje të grykës së rrugovës nga ana tjetër

Faqja majet.org është mundësuar nga Fondacioni për Inisiativa Qytetare (FIQ), të cilët pa hezitim kanë përkrahur iniciativën e Marimangave për të botuar hartat digjitale on-line. Përgaditja e hartave shkrimi tekstit dhe botimi i një libri me këto harta është përkrahur nga FIQ si dhe nga Grupi ERA në Pejë me fonde të Komisionit Evropian, si dhe gazeta Zëri me botimin e këtyure teksteve.
‘Kjo iniciativë për Zhvillim të Qëndrueshëm është e financuar nga Environmentally Responsible Action Group (ERA) përmes projektit të cilin e ka financuar Sida-SNV të quajtur 'Zhvillimi i Qëndrueshëm Alpin në Kosovë përmesë Zhvillimit të Shoqërisë Civile, Qendra për Edukim të Qëndrueshëm Mjedisor dhe Iniciativa Rurale'.